أبجدية الثورة والحرية
علموها لأخواتكم واولادكم وكل من هيبتدى القراءة
أ ـــــ الله اكبر فوق ايادى الظالمين
ب ـــــ بسم الله حا نحكى حكاية الحرية يا سامعين
ت ـــــ َتغير الأحوال من قضاء الله فى السنين
ث ـــــ ثورةاى بلد عاوزه ولد وكتير من المخلصين
ج ـــــ جنى المصباح وسرالله فينا احنا شعب المطحونين
خ ـــــ خروج الروح ولا العيشه كدة بالحايا مدفنوين
د ـــــ دفع الضرر عن البشرفرض عين و لا ايه يامعممين ؟
ذ ـــــ ذيوع الكلام الحر يوعى و فعل الحر ابرك من حكاوى سنين
ر ـــــ رد الهوان والأنحطاط عن البلاد اولوية يا مثقفين
ز ـــــ زيلوا الحواجز يا كل التيارات انتوا بس مصريين
ش ـــــ شبكة فساد حطيت علينا والحل فى السكاكين
س ـــــ سنين سودا بفسادهم وبغبائهم وجهلهم المبين
ص ـــــ صلاح امتى فى قوله لا لظلم قالهنا الأمين
ض ـــــ ضد الكسل ضد اليأس ضد الغباوه والمغفلين
ط ـــــ طمع النفوس فى الدنياهو الخطر فانسوها ولو لبعد حين
ظ ـــــ ظهورالحق هيجنن الوحش فستحملوهم دول يومين
ع ـــــ عزم الرجال يظهر فى اليومين السود عديهم بخير يا كريم
غ ـــــ غيوم وآلام وممكن دم وما ينفعك إلا صبر وذكاء ودعاء الوالدين
ف ـــــ فوز اكيد من بعدها فوران يغير الملاين
ق ـــــ قلوب الناس تصبح معاك بس ما تتغرش لتصبح مثل السالفين
ك ـــــ كل الخطر تنسى الوعود وتنقلب فرعون من الفراعين
ل ـــــ لم حواليك الرجال والكفائات مش كلاب متسلقين
م ـــــ مصر تقيلة اقوى فشيل على قدك ما تعقدش على الكرسى سنين
ن ـــــ نور طريق من بعدك لجل ما يكمل الطريق السالكين
ه ـــــ هتبقى بلدنا جنة الله واحنا فى الرخاء متنعمين
و ـــــ وان نسيت هنقوم عليك وانت يعنى هتبقى اغلى من مين ؟
ي ـــــ يارب حقق كلمتى ياكل من سمعها او قراها قول آمين
تركت الفرصة للكثير ممن قراء الأبجدية من الأصدقاء ولم يلاحظ احد غياب حرف الحاء إلا اخ فاضل لا اعرفه قراها فى منتدى
اما لماذا حرف الحاء لم اكتبه
فالحقيقة انا كتبتة ولكن لن انشره على الأقل الآن
Links to this post
Create a Link